1Die Herrlichkeit der Erden
2Mus rauch vnd aschen werden/
3Kein fels/ kein ärtz kan stehn.
4Dis was vns kan ergetzen/
5Was wir für ewig schätzen/
6Wird als ein leichter traum vergehn.
72. Was sind doch alle sachen/
8Die vns ein hertze machen/
9Als schlechte nichtigkeit?
10Waß ist der Menschen leben/
11Der jmmer vmb mus schweben/
12Als eine phantasie der zeit?
133.
14Den wir vnsterblich achten/
15Ist nur ein falscher wahn.
16So bald der Geist gewichen:
17Vnd dieser mundt erblichen:
18Fragt keiner/ was man hier gethan.
194. Es hilfft kein weises wissen/
20Wir werden hingerissen/
21Ohn einen vnterscheidt/
22Was nützt der schlösser menge/
23Dem hie die Welt zu enge/
24Dem wird ein enges grab zu weit.
255. Dis alles wirdt zerrinnen/
26Was müh’ vnd fleis gewinnen
27Vnd sawrer schweis erwirbt:
28Was Menschen hier besitzen/
29Kan für dem todt nicht nützen/
30Dis alles stirbt vns/ wenn man stirbt.
316. Was sind die kurtzen frewden/
32Die stets/ ach! leidt/ vnd leiden/
33Vnd hertzens angst beschwert.
34Das süsse jubiliren/
35Das hohe triumphiren
36Wirdt oft in hohn vnd schmach verkehrt.
377. Du must vom ehren Throne
38Weil keine macht noch krone
39Kan unvergänglich seyn.
40Es mag vom Todten reyen/
41Kein Zepter dich befreyen.
42Kein Purpur/ Gold/ noch Edler stein.
438. Wie eine Rose blühet/
44Wen man die Sonne sihet/
45Begrüssen diese Welt:
46Die ehr der tag sich neiget/
47Ehr sich der abendt zeiget/
48Verwelckt/ vnd vnversehns abfält.
499. So wachsen wir auff Erden
50Vnd dencken gros zu werden/
51Vnd schmertz- vnd sorgenfrey.
52Doch ehr wir zugenommen/
53Vnd recht zur blüte kommen/
54Bricht vns des todes sturm entzwey.
5510. Wir rechnen jahr auff jahre/
56In dessen wirdt die bahre
57Vns für die thür gebracht:
58Drauff müssen wir von hinnen/
59Vnd ehr wir vns besinnen
60Der Erden sagen gute nacht.
6111. Weil vns die lust ergetzet:
62Vnd stärcke freye schätzet;
63Vnd jugendt sicher macht;
64Hat vns der todt gefangen/
65Vnd jugendt/ stärck vnd prangen/
66Vnd standt/ vnd kunst/ vnd gunst verlacht!
6712. Wie viel sindt schon vergangen/
68Wie viel lieb- reicher wangen/
69Sindt diesen tag erblast?
70Die lange räitung machten/
71Vnd nicht einmahl bedachten/
72Das jhn jhr recht so kurtz verfast.
7313.
74Daß dieser zeit geschencke/
75Sey kaum ein augenblick/
76Was du zuvor genossen/
77Ist als ein strom verschossen
78Der keinmahl wider fält zu rück.
7914. Verlache welt vnd ehre.
80Furcht/ hoffen/ gunst vnd lehre/
81Vnd fleuch den HERREN an/
82Der jmmer König bleibet:
83Den keine zeit vertreibet:
84Der einig ewig machen kan.
8515. Wol dem der auff jhn trawet!
86Er hat recht fest gebawet/
87Vnd ob er hier gleich fält:
88Wirdt er doch dort bestehen
89Vnd nimmermehr vergehen
90Weil jhn die stärcke selbst erhält.